Անտարբերություն
Չգիտեմ' սակայն,
Ի՞նչ է կոչվում սա...
Բայց որ կարող ես մի բառով փշրել,
Ինչ ներսումս կա,
Որ արցունքիցս ոչ թե հուզվում ես,
Այլ ջղաձգվում,
Թերևս սրան լոկ մի անուն կա`
Անտարբերություն:
Անտարբերությո~ւն...
ՈՒ ի՞նչ է մնում.
Ինքնասպանի պես
Ոռնացող բառն այս`զերթ ատրճանակ,
Սեղմել ճակատիս,
Անդող ձեռքով իմ...կրակե~լ, դաջ~ել
Մահացու գնդակն
ՈՒղեղիս խորքում...հոգի´ս, ես բնավ
Քեզ չեմ բողոքում,
Չէ՞ որ ես ինքս ուզեցի մեռնել,
ՈՒ դու պարզապես
Տվեցիր ինձ քո... ատրճանակը:
No comments:
Post a Comment